Қазіргі кезде Текелінің даму әлеуеті айрықша, мүмкіндігі көп. Аймақтағы өндіріс орындары мен туристік нысандар, әлеуметтік сала қаланың дамуына үлес қосумен ғана шектелмей, тұрғындарды белгілі бір дәрежеде жұмыспен қамтып, тұрмысының жақсаруына септесіп отыр. Алдағы уақытта да «кеншілер қаласы» деген атын ардақтап, тұрмысы одан әрі түрленіп, тұрғындардың тірлігі жақсара түсері күмәнсіз.

Тату-тәтті, ынтымағы жарасқан мекеннің ырысты тіршілігін тиянақтау, келешегін кемелдендіріп, туған жерді гүлдендіру бәріміз үшін де үлкен жауапкершілік жүктейді. Бірнеше жыл бойы қалалық «Абзал ана отауы» халықтық ансамбльі қатарында өнер көрсетіп, жерлестеріміздің ыстық ілтипатына бөлендік. Болашақта шағын қаланың алып шаһарға айналарына кәміл сеніп, өңіріміздің тарихы еселеніп, өзі жаңара берсін деп тілеймін.