Жақсылық бар жерде тапшылық жоқ Елімізде жарияланған төтенше жағдай режимі сәуір айының соңына дейін ұзартылып, адамдардың жүріс-тұрысын шектеу шаралары қатаңдатылуда. Елдегі бірқатар ірі қалалар карантинге жабылды. Осындай қиын кезеңде мемлекетіміз халықтың қажетін қамтамасыз етуге барынша жағдай жасауда. Сондай-ақ, бір-бірімізге қолдау көрсету, жұдырықтай жұмылып қиындықты бірге еңсерудей игілікті іске қоғамдық ұйымдар, кәсіпкерлер, жеке азаматтар да белсенді атсалысуда.