Сөзін жазған: Өтепберген Ақыпбеков

Әнін жазған: Мэлс Керейбаев

Ешкіөлместен о баста алған нәрін,

Мұқалмайды төзімің, арман, арың.

Үш құрлықтың еліне кетті тарап,

«Үшқараның» басынан салған әнің.

 

Қайырмасы:

Сайын аға,

Сайын дала!

Жетісудың түлегі.

Сайын аға, Сайын аға,

Ауылым деп соғады жан-жүрегің!

 

«Жабайы алма», «Көкорай» – түкті кілем,

«Жусан иісі» жұпарын жұтты білем.

Сенің сыршыл сезімің, асқақ ойың,

«Дос іздеп жүр» әлемнің түкпірінен.

 

Қайырмасы:

 

«Менің қарындасым» деп бақ тілеген,

Бір аймақтан қарындас таптың өрен.

Хан сарайға айналды «Отау үйің»,

Шарықтаған төрінен шаттық ерен.

 

Қайырмасы:

 

Қаламыңнан сыр-соқпақ салдың жаңа,

Қадіріңмен халқыңнан алдың баға.

«Ескек желі» өмірдің соқпасын деп,

Біз тілейміз, жан аға, қадірлі аға!