Ағайынға - шарапат! "Апат айтып келмейді". Әлемді дүрбелеңге салған індетті еңсеруде ел болып, жұмылған жұдырықтай бірлігімізбен жеңетінімізгес сенім мол. Мемлекет тарапынан дер кезінде қолға алынған шаралар халықтың көңілін орнықтырып, тұрақтылықты қамтамасыз етуге бағытталады.

Мемлекет басшысы Қасым-Жомарт Тоқаевтың телевизиялық үндеуі Құрметті отандастар! Баршаңызға мәлім, қазір бүкіл әлем өте күрделі ахуалды бастан өткеруде. Дүние жүзін коронавирустың таралуы алаңдатып отыр. Бұл індет күннен-күнге ушығып барады. Өкінішке қарай, осы дерт біздің елімізде де тіркелді.