Жұмыспен қамтудың жол картасы арқасында Қапшағай біраз әлеуметтік мәселелер оң шешімін тауып жатыр Бүгін шаһар мемлекеттік бағдарлама сәтімен іске асуда. Мектеп, ойын алаңдары, жол жөндеуден өтіп жатыр. Бұл туралы қала әкімі Нұрлан Құматаев мәлімдеді. Мәселен, ЖҚЖК мен қаладағы Алтынсарин атындағы мектеп жаңартылуда. Білім ошағы 1965 жылы салынған. Содан бері еш жөндеу көрмеді. Нысан 600 орынға лайықталған. Қазір 700оқушы оқып жатыр. Пандемия кезеңінде кезекші сыныптары жасақталып 155 бала әдеттегі форматта білім алуда.