Ел президенті партия қатарынан шығып, партияның төрағасы лауазымына Парламент Мәжілісінің төрағасы Ерлан Қошановты ұсынды. Съезд делегаттарының бірауыздан қолдап дауыс беруімен Е.Қошанов «Аmаnаt» партиясының төрағасы болып сайланды.

Алқалы жиында Мемлекет басшысы: «Конституциялық реформаның мақсаты – елімізді саяси тұрғыдан одан әрі жан-жақты жаңғыртудың берік іргетасын қалау. Өткен аптада Конституциялық кеңеске түзетулер жобасы жолданды. Оның қабылдануы мемлекеттік институттарды құрудың және қызметінің мүлде жаңа үлгісін – Жаңа Қазақстанды құруға мүмкіндік береді. Азаматтар тарапынан: «Жаңа Қазақстан дегеніміз не?» деген сауал жиі қойылып жүр. Менің ойымша, бұл сұраққа қысқа да нұсқа жауап беруге болады. Жаңа Қазақстан дегеніміз – шын мәнінде Әділетті Қазақстан. Азаматтарға әлеуметтік әділдік жетіспейтінін мойын-дайықшы. Қарапайым халықтың мүддесі үнемі елене бермейді, кейде, тіпті әділетсіздік мемлекеттік аппарат өкілдері тарапынан да жасалып жатады. Азаматтардың мемлекеттік мекемелерге сенімсіздігі осыдан туын-дайды. Сондықтан «Amanat» партиясының алдында осы олқылықтардың орнын толтыру міндеті тұр. Азаматтық қоғам мен билік арасындағы дәнекер болу үшін сіздер халық өкілдерімен етене жұмыс істеулеріңіз керек, – деді.

Шын мәнінде, ел болудың белгісі болған бірлік ұғымы тек тіліміздегі терең оралымдармен немесе мерекелерде әркімнің өз дәстүрін дәріптеуімен өл-шенбесе керек. Елде береке тұрақтауын ойлаған жұрт әр істе, әр қадамда әділдік пен шынайылыққа сүйенуі қажет. Қ.Тоқаев «Adal» және «Аmanat» партияларының бірігуін де құптап, елге жанашыр қоғамдық-саяси күштердің бәрі жұмылуы керектігіне тоқталды.

Көп тілеуінің көл-көсір екенін бағамдаған халқымыз төртеу түгел болғанда береке құтаятынын елеп-екшеп қойған. Сондықтан, бірлікке бастаған әр қадамнан игілік күтетініміз рас.

Торғын ТҰРЛЫБАЕВА