Бүгінде, аталған учаскедегі 166 сайлаушы дауыс беріп үлгерді.

Саяси бәсекеде бақ сынап жақтан  кандидаттарға дауыс берушінің ең кішісі Кішітөбе ауылының тұрғындары.  Енді ғана 18-ге толған қос тұрғын, алғаш рет, ел үшін маңызы бар науқанда өз таңдауларын жасаған. Бұл ел тарихынан бөлек, қос тұрғынның өміріндегі ең елеулі сәтке айналғаны анық.

Қаратал ауданындағы барлық сайлау учаскелерінде санитарлық талаптар сақталған. Келушінің денеқызуы өлшеніп, кіреберістерге қолды өңдейтін санитайзерлер қойылған. Учаске ішіндегі әлеуметтік арақашықтық та белгіленген.

Бұл сөзімізді, ауыл тұрғыны әрі "Nur Otan"  партиясынан келген бақылаушы да растап отыр.

"Мен осы ауылдың тұрғынымын. Бүгінгі сайлауға "Нұр Отан" партиясының бақылаушысы ретінде Кішітөбе ауылындағы 550-ші сайлау учаскесіне келіп отырмын. Барлығы шынайы өтуде. Заң бұзушылық орын алған жоқ. 25 шілде сағат 13:30-дағы мәліметке сүйенсек, сайлаушылардың 82%-ы дауыс берді. Кешке дейін 100% сайлаушы азаматтық парызын орындайды деп күтілуде,- деді бақылаушы Вероника Калимулина

Айта кетейік, ауданда  7 сайлау учаскесі бар. Аймақта  5 мыңнан астам сайлаушы қос ауылдық округке лайықты басшыны таңдауға ат салыспақ. Осы уақытқа дейін, Қаратал ауданында сайлаушылардың тең жартысы бюллетеньдерге өз жауабын қалдырған.

#сайлау-2021#выборы-2021