«Қазақстан Республикасындағы сайлау туралы» Қазақстан Республикасы Конституциялық Заңының 113-1-бабының 3-тармағына сәйкес әкімді сайлауды тиісті аумақтық сайлау комиссиясы тағайындайды және олар тағайындалған күннен бастап елу күн ішінде өткізіледі. 
«Мемлекет басшысының аудандар мен облыстық маңызы бар қалалар әкімдерін тікелей сайлау өткізу туралы бастамасы мемлекеттік басқаруды орталықсыздандыруға және азаматтардың жергілікті атқарушы билік деңгейінде шешімдер қабылдауға тікелей қатысуын кеңейтуге бағытталған саяси реформалар процесінің маңызды кезеңі болып табылады. Кандидаттарды ұсыну 5 қазан күні кешкі сағат 18.00-ге дейін басталады. Жергілікті мемлекеттік басқару және өзін - өзі басқару туралы заңға қойылатын талаптар: Қазақстан Республикасының азаматтығы болу тиіс, жасы-25 жастан кем болмау керек. Үміткерлерді тіркеу барлық қажетті құжаттарды алғаннан кейін басталады», - деді Самат Сұлтанбекұлы.
Алдағы аудан әкімдерін сайлау шеңберінде 94 сайлау учаскесі, сондай-ақ аумақтық комиссиялардың 21 мүшесі және учаскелік сайлау комиссияларының 538 мүшесі жұмылдырылатын болады. Екі аудандағы сайлаушылардың жалпы саны 54 760 адам.