Жаңа сайланған халық қалаулылары: «Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарын мүлтіксіз орындауға, маған жүктелген депутаттық жоғары міндеттерді адал атқаруға ант етемін», – деді дүйім елге. 

19 наурызда өткен Мәжіліс пен барлық деңгейдегі мәслихаттар депутаттары сайлауының қорытындысы бойынша «Ақ жол» Қазақстан демократиялық партиясы – 6, «AMANAT» партиясы – 40, «Ауыл» Халықтық-демократиялық патриоттық партиясы – 8, Жалпыұлттық социал-демократиялық партиясы – 4, «Қазақстан Халық партиясы» – 5 және «Respublica» партиясы – 6  мандат алды. Мәжіліс депутаттарының толық тізімі жарияланды.

28 наурызда ОСК партиялық тізім бойынша VIII шақырылымдағы Мәжіліс депутаттарын тіркеп, депутаттарға куәліктер мен төсбелгілер табыс етілді.

Торғын ТҰРЛЫБАЕВА