Архившілер күні
23 желтоқсан күні «Тіл сарайы» ғимаратында Алматы облысының мәдениет, архивтер және құжаттама басқармасы, Алматы облысының мемлекеттік архиві, Талдықорған мемлекеттік архивінің ұйымдастыруымен Қазақстан Републикасы Тәуелсіздігінің 30 жылдығын мерекелеу аясында «Архившілер күні» атты архив саласы қызметкерлерінің кәсіби мерекесіне орай марапаттау рәсімі өтті.
Архив қызметкерлері – тарихымыздың тамыры, құнды құжаттардың шын жанашырлары.
Архив қызметкерлері ел игілігіндегі құндылықтарды аса байыппен сақтап, асыл мұралардың болашақ ұрпаққа қаз-қалпында жеткізілуі және олардың ұтымды пайдаланылуы мен барынша толық зерттелуі үшін қызмет атқарып келеді және архив саласының рөлі мен беделін арттыру. Шараға Қазақстан Республикасының Мәдениет және спорт министрлігі Архив істері және құжаттаманы басқару комитеті, облыс әкімінің орынбасары, облыстық мәдениет, архивтер және құжаттама басқармасының басшысы және орынбасарлары, басқарманың бөлім басшылары, мамандары, мемлекеттік архивтің қызметкерлері, мемлекеттік архивтің филиалдары, БАҚ өкілдері қатысты.
