Алматы облысы дін істері басқармасы» ММ,  «Дін саласындағы мәселелерді зерттеу орталығы» КММ  Ж. Жабаевтың 175 жылдығы, М. Мақатаевтың  90  жылдық мерейтойы және Тәуелсіздіктің  30 жылдығы аясында «Діни тұрақтылық – ел дамуының кепілі» облыстық жыр мүшәйрасын ұйымдастырады.

1. Мүшәйраның мақсаты:
   1. Жамбыл Жабаевтың,  Мұқағали Мақатаевтың   шығармашылық мұрасын насихаттау, жас ұрпақты патриоттық рухта тәрбиелеу және ақындардың  мұрасын жан-жақты, жоспарлы түрде зерттеу және оны ғылыми айналымға енгізу;
   2. Ұлы ақындардың жан-жақтылығын қамти отырып, ақындық шығармалары арқылы мұрасын, өнегелі өмір жолын жас ұрпаққа ұғындыру, қазақ тілі арқылы олардың санасында қазақстандық патриотизм сезімдерін қалыптастыру және үлгі ету;
   3. Жамбылдың жыраулық қырларын кеңінен зерттеу, дәріптеу;
   4. Жастардың рухани-адамгершілік қасиетін қалыптастыру;
   5. Елбасының «Рухани жаңғыру» және «Ұлы даланың жеті қыры» атты мақалаларында өз еліміздің ұлы тұлғаларын насихаттау арқылы Қазақстанды әлемге таныту;
   6. Тәуелсіздігіміздің 30 жылдығы аясында еліміздеді конфессияаралық және этносаралық қарым–қатынастың тұрақтылық пен дамуымыздың негізгі факторы екенін көрсету;
   7. Жастар арасында толерантты мінез-құлықты қалыптастыру, мәдениет пен дінді құрметтеу, қазақстандық қоғамның полиэтникалық құрамының қалыптасу тарихы, қазіргі Қазақстанның дамуына қосқан үлесі туралы білімдерін арттыру;
   8. Елімізді мекен еткен ұлттар мен ұлыстардың өз мәдениетін, тілдері мен дәстүрлерін сақтау, конфессияаралық келісімді нығайту және татулық, билік, бірлік, бейбітшілікті сақтау;
   9. Қазақтың тілі мен әдебиетіне, мәдениетіне деген сұранысты арттыру әрі еліміздің рухани бірлігін нығайту;
   10. Жастардың әдебиетке және отансүйгіштікке деген сүйіспеншілігін арттыру, тіл мәдениетін көтеру, халық арасынан шыққан ерекше таланттарды ынталандыру.
2. Мүшәйраға қатысушыларға қойылатын негізгі талаптар:
   1. Облыстық жыр мүшайрасына қатысушының жас мөлшері 18-39 жас аралығында болуы керек;
   2. Ұсынылған өлеңдер міндетті түрде тақырыпты қамтуы тиіс;
   3. Байқауға кемінде екі өлең жіберілуі керек. Екі өлең де мүшәйра өткенге дейін ешқандай баспа бетінде жарияланбаған және жинақтарға енбеген тың дүние болуы керек;
   4. Өлеңнің көркемдігі, айтар ойдың мазмұны мен келтірілген деректердің айқын болуы міндетті;
   5. Мүшайраға қатысушы өтінімі 2021 ж. мамыр айының 30-на дейін қабылданады  (мүшәйраның салтанатты қорытындысы,  өтетін форматы, уақыты, орны  қосымша хабарланады);

1. Жеңімпаздарды марапаттау:
   1. Байқауға келіп түскен өлеңдер алдын ала қазылар алқасының талқылауынан өтіп, іріктеледі. Сараптаудан өткен өлеңдер ғана облыстық ақындар мүшәйрасына ұсынылады.
   2. Сарапшылар алқасы анықтаған байқау жеңімпаздары диплом және арнайы ақшалай сертификаттармен марапатталады.

Байқау жеңімпаздарына 270 000 теңге көлемінде сыйақы қарастырылған:

бір –  бірінші орын 80 000

бір – екінші орын  60 000

бір – үшінші орын 40 000

үш – ынталандыру сыйақылары белгіленген  30 000 (90.000)

1. Мүшәйраға ұсынылатын материалдар мына мекенжайға  жолдануы тиіс:

«Алматы облысы дін істері басқармасы» мемлекеттік мекемесі, «Дін саласындағы мәселелерді зерттеу орталығы» коммуналдық мемлекеттік мекемесі, Талдықорған қаласы, Абылайхан көшесі 125.

Байланыс телефоны: 8(7282) 40-13-39, 8 707 379 05 46 e-mail: m.religiya@mail.ru