IQ DODA – білім сынауға негізделген осы заманның зияткерлік ойыны. Білімнің үлкен табысқа, биік шыңдарға бастайтын күш екендігін растайтын бұл ойында негізінен еліміздің тарихы, жер-су аттары, мәдениеті мен руханиятына қатысты сұрақтар қойылады.

Ойынға қала бойынша 6 команда қатысып, қатысушы топтар танымдық-тарихи, музыкалық, бейне және логикалық сұрақтар бойынша сайысқа түсті. Нәтижесінде «Ұлан» тобы 1-орынды иеленіп, облыстық сайысқа жолдама алды. «Spirit» –2, «Тұлпар», «Жалын» тобы 3-орынды иеленді.

Жас мамандарды интеллектуалды дамыту мақсатында ұйымдастырылған зияткерлік ойыны соңында қатысушы командаларға Алғыс хаттар мен естелік сыйлықтар табыс етіліп, үздік деп танылған командалар марапатталды.

Ұлжан Ұлдаханқызы