Құрылыс жұмыстары қыза түскен. Қонаев көшесінің бойымен темір жол өткелінен қаланың кіреберісі және Қонаевтан Күншығыс көшесіне дейінгі жолда жаңа арық науалары салынып, жаяу жүргіншілер жолының қаңқасы қалануда. Сондай-ақ, Орақты батыр, Жансүгіров, әл-Фараби көшелерінің жиегіне арық жүйелері төселуде. Жауапты мердігер – «Нұр-Шапағат құрылыс» ЖШС.

Жұмыспен қамтуды жүзеге асыру және жұмыссыздық деңгейінің өсуіне жол бермеу, қосымша жұмыс орындарын құру және табысты қамтамасыз етуді басшылыққа алған бағдарлама басымдықтарынан игіліктенгісі келіп, «Екі қолға бір күрек» деп адал еңбекке ұмтылған кез келген жұмыссыз азамат халықты жұмыспен қамту орталығына барып, немесе 4-32-63, 4-29-41 телефон нөмірлері арқылы толыққанды ақпарат алуына болады. Жөндеу жұмыстарының әсерінен орын алған қолайсыз жағдайға қала тұрғындары түсіністікпен қарап, сабырлық танытуы қажет. Жаяу жүргіншілерге арналған жаңа жолдар мен арық жүйелерінің игілігін көретін күн де алыс емес, ағайын! 

Нұржан Махаббатқызы