Жыл сайын ауа-райының қолайсыздығына байланысты қыс мезгілінде 100-ден астам көлік қар құрсауында қалады. Мәселен, 2020-2021 жылдары авариялық-құтқару жұмыстарында 18 адам құтқарылған. Сондай-ақ, облыстың әр түрлі өңірлерінде республикалық және облыстық маңызы бар авто жолдарда көлік қозғалысына 16 рет шектеу енгізілді.

«Қыста алыс жолға шығар алдында ауа райы болжамымен танысып, оның өзгеруін және SMS-хабарламаларды бақылау қажет. Әрбір автомобильде, шұғыл жағдайда өмірді құтқаратын заттар – дәнекерлеу шамдары, арқандар, доңғалақтарға арналған тізбектер, күректер, парафинді шамдар, сондай-ақ жылы киім, қажетті заттар, тамақпен су қоры болуы керек»,-дейді Төтенше жағдайларды жою басқармасының бастығы, Азаматтық қорғау майоры Ринат Карандашев.

Қыстағы қатер мұнымен азаймақ емес. Жылтыр мұздың өзінен де жарақат алу әпсәтте. Мәселен, жыл басында Қапшағай су қоймасының «Голубой залив» ауданында балық аулау кезінде мұз жарылып, балықшылар апатқа ұшыраған. Құтқару жұмыстарын жүргізу барысында 2 балықшы құтқарылса, 1980 жылы туған балықшылардың бірін іздеу жұмыстары жүргізілгенімен өз нәтижесін бермеген. Сондықтан, облыстық ТЖД қызметкерлері мұздың қалыңдығы берік емес екендігін айтып бағуда.

«Алматы облысының ТЖД мұз асты балық аулау әуесқойларынан қауіпсіздік талаптарын сақтауды, сондай-ақ ата-аналарды балаларды ересектердің қарауынсыз қалдырмауды сұрайды. Бүгінгі күні облыс аумағындағы мұздың қалыңдығы адам салмағы үшін жеткілікті берік емес, осыған байланысты азаматтарды қатпаған мұзға шықпауды сұраймыз», - деді өз сөзінде Алматы облысы Төтенше жағдайлар департаменті Азаматтық қорғаныс басқармасының бастығы подполковник Қуат Белдыбаев.

Бүгінгі күні азаматтық қорғау органдары жергілікті атқарушы органдармен бірлесіп барлық халықтың әлеуметтік осал топтарының 13953 үйлерін аралап, профилактикалық жұмыстар жүргізілді, жұмыс барысында 1 576 бұзушылық