Әсіресе, қазіргідей дүрбелең шақта дөңгелентіп отырған кәсібінің уақытша тоқтауынан қиындыққа тап болған жеке кәсіпкерлерге мемлекеттік қолдау көрсетілуі қуантады. Жанар-жағармайдың арзандауы да ауыл шаруашылығымен айналысатын шаруа қожалықтарының жұмысын ілгерілетуге септігін тигізері сөзсіз. Отандық өнімді тұтынушы талабына, қоғам қажетіне орай өндіріп, қолжетімді баға саясатын қалыптастыруға үлес қосу - біздің парызымыз. Ел амандығы мен экономиканы тұрақтандыру бағытындағы азаматтық ұстанымымыз да, әлеуметтік жауапкершілігіміз де осы болмақ.