«Жетісу облысында жаңа оқу жылына 129 800 оқушы аяқ басты. Оның ішінде 1 -сынып оқушыларының саны – 12 900 бала. Облыста 69 елді мекеннен 1766 оқушы жеткізіледі. Биылғы оқу жылына 604 млн. теңгеге 12 автобус сатып алынды. Оның ішінде лизинг бойынша 7 автобус, жергілікті бюджет есебінен 5 автобус», - деді спикер. 
Осы жылы жалпыға бірдей оқыту қорынан жекелеген санаттағы 23 486 оқушыларды мектеп формасымен және оқу құралдарымен қамтамасыз етуге шамамен 1 млрд. теңге бөлінді.
«Мемлекет басшысының сайлауалды тапсырмасын іске асыру мақсатында жаңа оқу жылында 52 600 бастауыш сынып оқушысы тегін ыстық тамақпен қамтылатын болады. Ал асханасы жоқ 49 мектепке тамақ тасымалданып беріледі», - деді облыс әкімінің орынбасары. 
Жаңа оқу жылына 5 білім беру мекемесіне құрылыс жүргізіліп, пайдалануға берілді. Олар Көксу ауданының 2 мектебі, 10 жылдық Қазақстан ауылында Р. Толқынбекұлы атындағы орта мектеп және Бесқайнар ауылында, Сарқан ауданында 2 мектеп, Бірлік ауылы мектебі, Тополевка ауылы мектебі пайдалануға берілді. Сонымен қатар, 1 қыркүйекке Қаратал ауданы Үштөбе қаласында 30 орындық жатақханасы бар 100 орындық колледж пайдалануға берілді. 
«5 мектепке күрделі жөндеу жүргізіліп, 1 қыркүйек күні пайдалануға берілді. Атап айтсақ, Қаратал ауданы Кальпе орта мектебі, Алакөл ауданы Ақжар орта мектебі,  Кербұлақ  ауданы, Сарыөзек ауылында №49 орта мектебі  күрделі жөндеуден өтті. Қалған 2 мектеп жыл соңына дейін іске қосылады», - деп  қорытындылады  Рустам  Алиұлы.