Нарық заңында қаржы үздіксіз айналымда болуы керек, ал, ақша айналым жүйесі ел азаматтарының сатып алу мүмкіндігімен тікелей байланысты. Сондықтан, төменгі жалақыны көтеру ішкі тұтынуды арттырып, оң экономикалық серпін береді. Ел экономикасының ішкі әлеуеті негізінде он өлшеп бір кесілген бұл шешім, сонымен бірге, көлеңкедегі қаржының ашыққа шығуына да оң ықпал етеді.  
Тәжірибе көрсеткініндей, көлеңкедегі нарықпен күрес бақылау, мониторинг жүргізумен ғана шешілмейді. Бүгінде жұмыс берушілер арасында салықтан жалтару үшін жұмысқа қамтудың бейресми түріне жүгінетіндер аз емес. Мемлекет басшысының ең төменгі жалақыны 60 мың теңгеге көтеру туралы тапсырмасы баршаға ортақ жауапкершілік жүктейтіндіктен, бұл мемлекеттің бюджеттің түсіміне де айтарлықтай оң әсер етеді.  
Қабілет Абдулданов, Текелі қаласы бойынша мемлекеттік кірістер басқармасын басшысы
#Жолдау-2021
#Послание-2021