Мәжіліс депутаты Текеліде
Ауған соғысы ардагерлері өздерінің бұрынғы мәртебесін заңдастыру, мемлекет тарапынан қолдау-көмек алу және үйсіз-күйсіз жүргендерді баспанамен қамтамасыз ету сияқты мәселелерді ортаға салды, жастарға патриоттық тәрбие беру тетіктерін талқылады.
«Nur Otan» партиясының қалалық филиалында өткен қоғамдық қабылдауда депутат азаматтардың түрлі саладағы сауалдары мен өтініштерін назарға алды. Бұдан кейін Д.Әлімбаев Текеліде салынатын Орталық Азия университетінің құрылыс алаңын көріп, оқу орны өкілдерімен құрылыстың жай-күйі, маман даярлау ерекшеліктері туралы пікір алмасты.