ОРАЗА АЙТ ҚҰТТЫ БОЛСЫН! Ораза айт намазы әрбір мұсылман үшін уәжіп, яғни, орындалуға міндетті амал. Себебі, Пайғамбарымыз (с.а.с) ешқашан айт намаздарын тастамағаны әрі барлық адамдарға осы күні намазға шығуларын бұйырғаны белгілі. Айт мерекесін өткізудің өз әдебі бар екенін де естен шығармаған дұрыс. Айт күні ерте тұрып, мешітке барардың алдында ғұсыл құйыну, хош иіс су сеуіп, ең жақсы таза киімдерді кию – айт мерекесінің әдеп шарттарынан болады. Бұл – мұсылман қауымы үшін жүрекке қуаныш пен шаттық орнайтын мерекелі күн. Әсілінде, мұсылмандардың екі айт мерекесіндегі қуанышы бұдан да жоғары болуға тиіс. Ренжісіп қалған кісілермен татуласу, қандай да бір келіспеушіліктің салдарынан қатынас үзілген туыстардың үйлеріне арнайы бару да ерекше маңызды. Сондай-ақ, айт құрметіне жайылған ақ дастархан басындағы имани әңгімелер, діни сұхбаттар, «Айт құтты болсын!» деген жүрекжарды тілектер мереке күнінің нағыз көркі, сәні мен салтанатына айналады. Дәл осы күні балаларды жаңа киім, тәттілер мен сыйлықпен қуантуды дағдыға айналдырудың да маңызы зор, осылайша жас ұрпақтың бойынан ораза айтқа деген сүйіспеншілігі қалыптасатынын ескеріңіз.

Ораза айт құтты болсын! Қасиетті Рамазан айында ұстаған отыз күн оразадан кейін мұсылман әлемі Шәууал айының алғашқы үш күнінде Ораза айт мерекесін тойлайды. Айт сөзі «мереке», «мейрам» деген мағынаны білдіреді. Осы ретте кеше Мемлекет басшысы Қасым-Жомарт Тоқаев қазақстандықтарды Ораза айт мерекесімен құттықтады.

Қасиетті Рамазан айы мүбәрак болсын! Пітір садақа дұғасы: «Иә, Алла, осы садақамды қабыл етіп, түрлі пәле, апаттардан сақта. Күнәларымды кешір, иманыма қуат бер, дүниемді көбейтіп, оны жақсы мақсаттарға жұмсауымды нәсіп ет!»

Қош келдің, он екі айдың Сұлтаны - Рамазан айы Ассалаумағалайкум құрметті Текелі қаласының тұрғындары! Сіздерді он екі айдың Сұлтаны – Рамазан айымен шын жүректен құттықтаймын.