Danalyq – óshpes jaryq, ketpes baılyq

0
208


Buqar jyray (1668 – 1781)
Асқар таудың өлгені –
Басын мұнар шалғаны.
Көктегі бұлттың өлгені –
Аса алмай таудан
қалғаны.
Ай мен күннің өлгені –
Еңкейіп барып батқаны.
Айдын шалқар өлгені –
Мұз болып
тастай қатқаны.
Қара жердің өлгені –
Қар астында қалғаны.
Өлмегенде не өлмейді?
Жақсының аты өлмейді,
Ғалымның хаты өлмейді.

***
Asqar taýdyń ólgeni –
Basyn munar shalǵany.
Kóktegi bulttyń ólgeni –
Asa almaı taýdan
qalǵany.
Aı men kúnniń ólgeni –
Eńkeıіp baryp batqany.
Aıdyn shalqar ólgenі –
Muz bolyp
tastaı qatqany.
Qara jerdiń ólgeni –
Qar astynda qalǵany.
Ólgende ne ólmeıdi?
Jaqsynyń aty ólmeıdi,
Ǵalymnyń haty ólmeıdi.

***
Биік тауға жарасар


Биік тауға жарасар,
Ығынан тиген панасы.
Терең сайға жарасар,
Тобылғылы саласы.
Ер жігітке жарасар,
Қолына алған найзасы.
Би жігітке жарасар,
Халқына тиген пайдасы.
Ақсақалға жарасар,
Тілеуқорлық айласы.
Бәйбішеге жарасар,
Еміздіктеген сабасы.
Келіншекке жарасар,
Емшектегі баласы.
Қыз он беске келгенде,
Шашынан көп жаласы.
Бұл жалғанда бір жаман,
Ағайынның аласы.

Bıіk taýǵa jarasar


Bıіk taýǵa jarasar,
Yǵynan tıgen panasy.
Tereń saıǵa jarasar,
Tobylǵyly salasy.
Er jіgіtke jarasar,
Qolyna alǵan naızasy.
Bı jіgіtke jarasar,
Halqyna tıgen paıdasy.
Aqsaqalǵa jarasar,
Tіleýqorlyq aılasy.
Báıbіshege jarasar,
Emіzdіktegen sabasy.
Kelіnshekke jarasar,
Emshektegі balasy.
Qyz on beske kelgende,
Shashynan kóp jalasy.
Bul jalǵanda bіr jaman,
Aǵaıynnyń alasy.

***
Жас туралы

Балалық он жасыңыз,
Балғын өскен құрақтай.
Жиырма деген жасыңыз,
Ағып жатқан бұлақтай.
Отыз деген жасыңыз,
Жарда ойнаған лақтай.
Қырық деген жасыңыз,
Ерттеп қойған құр аттай.
Елу деген жасыңыз,
Ол да бір үлкен бел екен.
Алпыс деген жасыңыз,
Қайғы, мұңды шөл екен.
Жетпіс деген жасыңыз,
Жетім қалған күн екен.
Сексен деген жасыңыз,
Қараңғы тұман түн екен.
Тоқсан деген жасыңыз,
Ажалға таяу маң екен.
Jas týraly
Balalyq on jasyńyz,
Balǵyn ósken quraqtaı.
Jıyrma degen jasyńyz,
Aǵyp jatqan bulaqtaı.
Otyz degen jasyńyz,
Jarda oınaǵan laqtaı.
Qyryq degen jasyńyz,
Erttep qoıǵan qur attaı.
Elý degen jasyńyz,
Ol da bіr úlken bel eken.
Alpys degen jasyńyz,
Qaıǵy, muńdy shól eken.
Jetpіs degen jasyńyz,
Jetіm qalǵan kún eken.
Seksen degen jasyńyz,
Qarańǵy tuman tún eken.
Toqsan degen jasyńyz,
Ajalǵa taıaý mań eken.

Бөлісу
Share on Facebook
Facebook
Tweet about this on Twitter
Twitter
Share on VK
VK

ЖАУАП ҚАЛДЫРУ

Өтінемін, өз пікіріңізді енгізіңіз!
Өтінемін, атыңызды мына жерге енгізіңіз